2020 წლის განახლებული ბიუჯეტის პროექტის წარდგენა შესაძლოა მაისის ბოლომდე მოხდეს. ახალი პროექტი იქნება მაკროეკონომიკურად იმ პარამეტრებში მომზადებული, რომელიც სავალუტო ფონდთან თანხმდება. 2020 წელს სახელმწიფო ხარჯების მოცულობა 16 მილიარდ 26 მილიონი ლარი იქნება. ეს კი არსებულ ბიუჯეტთან შედარებით მილიარდ 800 მილიონი ლარით მეტია. პარლამენტის საფინანსო-საბიუჯეტო კომიტეტის თავმჯდომარის ირაკლი კოვზანაძის თქმით, შეიკვეცება ყველა ის ხარჯი, რომელიც არ არის დაკავშირებული სოციალურ ხარჯებთან. ამასთან, კოვზანაძე, ქვეყანაში შექმნილი რთული ეკონომიკური ვითარების გამო, ეკონომიკის 4%-ზე მეტ ვარდნას ვარაუდობს.