დადგენილია რომ, გულის იშემია ვითარდება ჟანგბადის მოთხოვნა-მოხმარებას შორის წარმოქმნილი დისბალანსის გამო. რაც, თავის მხრივ, გულის ქრონიკული უკმარისობის ჩამოყალიბებას და პროგრესირებას იწვევს. ეს რთული და ვერაგი კლინიკური სინდრომი ხასიათდება სიკვდილიანობის მღალი მაჩვენებლით. მოსახლეობის თითქმის 20% იტანჯება გულ-სისხლძარღვთა სისტემის დაავადებით. თუმცა დიაგნოზი ყოველთვის არ ნიშნავს განაჩენს.
სისხლის მიმოქცევის სამკურნალო-კვლევითი ცენტრი "მარჯი" ერთადერთი კლინიკაა საქართველოში, სადაც მისი დაფუძნებელი იტალიის კარდიო ქირურგთა ასოციაციის პრემიის ლაურეატი, მედიცინის დოქტორი პროფესორი ლერი ლაფანაშვილი გულის პათოლოგიებს სისხლის მიმოქცევის დამხმარე მეთოდით მკურნალობს და პაციენტთა გამოჯანმრთელების უნიკალური სტატისტიკა გააჩნია.