რუსეთში, ბოლო დღე-ღამის განმავლობაში, კორონავირუსის 5 509 ახალი შემთხვევა გამოვლინდა და დაინფიცირებულთა საერთო რაოდენობა 834 499-მდე გაიზარდა, - ამის შესახებ ინფორმაციას რუსული მედია ავრცელებს. მათივე ცნობით, კორონავირუსით ქვეყანაში კიდევ 129 ადამიანი გარდაიცვალა და ვირუსით დაღუპულთა რიცხვმა 13 802-ს მიაღწია.
ოფიციალური სტატისტიკით, რუსეთში „კოვიდ 19“-სგან 629 655 პაციენტი გამოჯანმრთელდა, აქედან 9 322 ბოლო დღე-ღამის განმავლობაში. კოვიდინფიცირებულების რაოდენობით რუსეთი მეოთხე ადგილზეა მსოფლიოში აშშ-ს, ბრაზილიისა და ინდოეთის შემდეგ.