თმის ცვენა შემაწუხებელია. განსაკუთრებით თუ გრძელი თმა გაქვს და ყველგან აწყდები დაცვენილ ღერებს: ხალიჩაზე, შხაპში, სავარცხელზე...
მიუხედავად შექმნილი დისკომფორტისა, იმის ცოდნაც მნიშვნელოვანია, რომ მცირე რაოდენობით თმის ცვენა სრულიად ბუნებრივია. მაგრამ თუ ამჩნევთ, რომ თმა ინტენსიურად გცვივათ და, რაც კიდევ უფრო შემაშფოთებელია, უკან აღარ ამოდის, მაშინ მიზეზებზე აუცილებლად უნდა დაფიქრდეთ.
ზაფხულის მცხუნვარე მზე გარკვეულწილად აზიანებს თმას და შემოდგომაზე თმის ცვენა ძლიერდება. იმისათვის, რომ გავარჩიოთ ფიზიოლოგიურ პროცესთან გვაქვს საქმე, თუ განგაშის დროა, საჭიროა მივაკითხოთ ექიმ-ტრიქოლოგს.