გაერო-ს გენერალურმა ასამბლეამ ოკუპირებული აფხაზეთიდან და ცხინვალის რეგიონიდან იძულებით გადაადგილებულ პირთა და ლტოლვილთა სტატუსის შესახებ რეზოლუცია მიიღო. საგარეო საქმეთა სამინისტროს ცნობით, სესიაზე რეზოლუციას 107-მა ქვეყანამ დაუჭირა მხარი. რეზოლუციის მხარდაჭერისგან კი თავი შეიკავა ჩინეთმა და არაბეთის გაერთიანებულმა საამიეროებმა. უწყების ცნობით, საქართველო აღნიშნულ რეზოლუციას გაერო-ს გენერალურ ასამბლეაზე 2008 წლის მაისიდან წარადგენს და იგი, მისი მიზნებიდან გამომდინარე, ჰუმანიტარული ხასიათისაა. ჰუმანიტარული კონტექსტის გარდა, რეზოლუციას პრაქტიკული დატვირთვაც აქვს, ვინაიდან ის გაერო-ს გენერალურ მდივანს რეზოლუციის შესრულების თაობაზე ყოველწლიური ანგარიშის მომზადებას ავალებს.