დიუშენის კუნთოვანი დისტროფიით დაავადებული ბავშვების მშობლები ამ დრომდე მთავრობის ადმინიტრაციასთან რჩებიან. მათ მთელი ღამე პროტესტის ნიშნად კანცელარიასთან გაათენეს. ჯანდაცვის სამინისტროში განმარტავენ, რომ მედიკამენტი, რომელსაც დიუშენის კუნთოვანი დისტროფიით დაავადებული ბავშვების მშობლები ითხოვენ ევროპის წამლის მარეგულირებელმა ავტორიზაცია არ მიანიჭა და ამ დრომდე ევროპის სახელმწიფოები დაკვირვების პროცესში არიან. ჯანდაცვის მინისტრი მიხეილ სარჯველაძე განმარტავს, რომ აღნიშნული მედიკამენტის ფუნქცია არა სიცოცხლის გადარჩენა, განკურნება, ან თუნდაც სიცოცხლის გახანგრძლივება, არამედ ეტლის საჭიროების გადავადება, და ამ ნაწილშიც უსაფრთხოებისა და ეფექტიანობის თვალსაზრისით ბევრი კითხვის ნიშანი არსებობს. მისი თქმით, ვიდრე არ დადასტურდება შესაბამისი წამლების ეფექტიანობა და უსაფრთხოება, დიუშენის კუნთოვანი დისტროფიის მართვის პროტოკოლი ვერ დამტკიცდება. მშობლებლები 5 საათზე ახლა საპასუხო განცხადების გასაკეთებლად ემზადებიან.