ევროკავშირი კვლავ ითხოვს საქართველოს პოლიტიკური კურსის გადახედვას. ევროკავშირის უმაღლესი წარმომადგენლის შეფასებით, ქვეყანაში დემოკრატიული უკუსვლის შეჩერების ნიშნები არ ჩანს და პარტნიორი ქვეყნების საგარეო საქმეთა მინისტრებმა ერთიანი გზავნილი გააჟღერეს - საქართველომ კურსი უნდა შეცვალოს. ოპოზიციაში ამ კრიტიკას ბუნებრივად მიიჩნევენ და აცხადებენ, რომ დათმობების გარეშე სანქციების გამკაცრებაა მოსალოდნელი. მმართველ გუნდში კი ოფიციალური ბრიუსელის პოზიციას უსამართლოდ მიიჩნევენ და საკუთარ პოლიტიკურ ხაზს უცვლელად იცავენ.