ოჯახის წევრის მიმართ ფსიქოლოგიური ძალადობისა და სიცოცხლის მოსპობის მუქარის ბრალდებით, სამართალდამცველებმა ერთი პირი დააკავეს. ჩატარებული გამოძიებით დადგინდა, რომ ბრალდებული დედაზე სისტემატურად ახორციელებდა ფსიქოლოგიურ ზეწოლას და სიცოცხლის მოსპობით ემუქრებოდა.
გამოძიება სისხლის სამართლის კოდექსის 126-ე პრიმა მუხლის 1-ლი ნაწილითა და 11 პრიმა 151-ე მუხლით მიმდინარეობს, რაც სასჯელის სახით 3 წლამდე ვადით თავისუფლების აღკვეთას ითვალისწინებს.