ჰორმუზის სრუტე ირანის საკუთრება არ არის, - ამის შესახებ გაერო-ში აშშ-ის ელჩმა, მაიკ უოლცმა საზღვაო უსაფრთხოების საკითხზე გამართულ უშიშროების საბჭოს სხდომაზე განაცხადა.
„აბსოლუტურად ნათელია, რომ საერთაშორისო სამართლის თანახმად, ირანის საგარეო საქმეთა მინისტრის განცხადებების მიუხედავად, ეს სრუტე ირანს არ ეკუთვნის, რათა საკუთარი ციხესიმაგრის თხრილივით ან გასახსნელი ხიდივით გამოიყენოს. მსოფლიოს კრიტიკულად მნიშვნელოვანი სანაოსნო გზები ვაჭრობის საგანი არ არის, რომელიც რომელიმე ერთი ქვეყნის საკუთრებას წარმოადგენს“, - განაცხადა გაერო-ში აშშ-ის ელჩმა.
მაიკ უოლცმა საერთაშორისო საზოგადოებას ჰორმუზის სრუტეში უსაფრთხო ნავიგაციის აღდგენის მიზნით კოალიციის შექმნისკენ მოუწოდა.
„მსურს ხაზი გავუსვა წყლებში ნაღმების განთავსებას. საერთაშორისო წყლებში ნაღმების განთავსება ირანს საერთაშორისო კრიმინალად აქცევს. ეს მათ სრუტეების მეკობრეებად აქცევს. დროა თანამოაზრე პარტნიორების კოალიციამ პასუხისმგებლობა აიღოს და დასახმარებლად რეალური შესაძლებლობებით ჩაერთოს“, - აღნიშნა უოლცმა.