ერევანში დღეს ევროპული პოლიტიკური დღის წესრიგის ერთ-ერთი ყველაზე მასშტაბური ღონისძიება მიმდინარეობს. ევროპელ პოლიტიკოსთა გაერთიანების სამიტი 4 მაისს დაიწყო და მასში მონაწილეობას თითქმის 50 ქვეყნის ლიდერი იღებს. სამიტს მასპინძლობს სომხეთის პრემიერ-მინისტრი, ხოლო თანათავმჯდომარეა ევროპული საბჭოს პრეზიდენტი ანტონიო კოშტა. ღონისძიებაში მონაწილეობენ ევროკავშირის წევრი ქვეყნების ლიდერები, ასევე დიდი ბრიტანეთის, უკრაინის, თურქეთისა და სხვა სახელმწიფოების წარმომადგენლები.
სამიტი წარმოადგენს დიალოგის პლატფორმას უსაფრთხოების, ენერგეტიკის, რეგიონული სტაბილურობისა და გლობალური გამოწვევების განხილვისთვის. განსაკუთრებული ყურადღება ეთმობა უკრაინის ომსა და ახლო აღმოსავლეთში მიმდინარე მოვლენებს. სამიტი 4–5 მაისს გაგრძელდება და მიზნად ევროკავშირსა და სომხეთს შორის თანამშრომლობის გაღრმავებას ენერგეტიკის, ტრანსპორტისა და უსაფრთხოების მიმართულებით ისახავს.