სომხეთში მიმდინარე საერთაშორისო სამიტი უკვე მეორე დღეა მსოფლიო ლიდერებს მასპინძლობს. რეგიონული და გლობალური უსაფრთხოების, ეკონომიკური თანამშრომლობისა და მიმდინარე კრიზისების ფონზე, შეხვედრები განსაკუთრებულ ყურადღებას იპყრობს. სამიტში მონაწილეობს ქართული მხარეც. უკვე გამართა არაერთი ორმხრივი შეხვედრა, თუმცა განსაკუთრებული ყურადღება ირაკლი კობახიძისა და ვოლოდიმირ ზელენსკის შეხვედრამ მიიპყრო. ხანგრძლივი პაუზის შემდეგ, ეს ქვეყნის ლიდერის პირველი პირდაპირი კომუნიკაცია იყო. შეხვედრა შეფასდა, როგორც სიგნალი, რომ მიუხედავად ბოლო პერიოდში გართულებული ურთიერთობებისა, თბილისი და კიევი დიალოგის განახლებას ცდილობენ. მიუხედავად მსგავსი დონის შეხვედრებისა, ოპოზიცია აცხადებს, რომ საქართველო კვლავ ვერ აღწევს მნიშვნელოვან პროგრესს ევროკავშირთან დაახლოების პროცესში. საპარლამენტო უმრავლესობის ოპონენტების თქმით, ირაკლი კობახიძის შეხვედრები უფრო ფორმალურ ხასიათს ატარებს და ქვეყნის მთავარ გამოწვევებს ვერ პასუხობს.