ახმეტის მუნიციპალიტეტში სეტყვა იყო. ადგილობრივების ინფორმაციით, სოფელ მატანში სასოფლო-სამეურნეო სავარგულები და შიდა საუბნო გზები დაზიანდა.
მათივე განცხადებით, ჯერჯერობით დაზუსტებული არ აქვთ რა ოდენობის ზარალი მიაყენა სეტყვამ სასოფლო-სამეურნეო სავარგულებს, ვენახებსა და საკარმიდამო მიწის ნაკვეთებს.
ადგილობრივ მერიაში განმარტავენ, რომ ზარალის შესახებ ინფორმირებულები არიან, თუმცა მასშტაბების დადგენა ჯერჯერობით ვერ ხერხდება.