ერევნის დროით 17:00 საათის მონაცემებით, ხმის მიცემის დასრულებამდე სამი საათით ადრე, სომხეთის ვადამდელ საპარლამენტო არჩევნებში ამომრჩეველთა აქტივობა 48.92% იყო, - ინფორმაციას სომხური მედია ქვეყნის ცენტრალურ საარჩევნო კომისიაზე დაყრდნობით ავრცელებს.
ცენტრალური საარჩევნო კომისიის მონაცემებით, აღნიშნული დროისთვის 2 503 976 ამომრჩევლიდან 1 224 957-მა ამომრჩეველმა მისცა ხმა.
სომხური მედია წერს, რომ ეს წინა არჩევნებთან შედარებით ამომრჩეველთა აქტივობის დაახლოებით 11%-იან ზრდას წარმოადგენს.
სომხეთის დედაქალაქ ერევანში, სადაც ამომრჩეველთა მესამედზე მეტი ცხოვრობს, ამომრჩეველთა აქტივობამ 48.52% (412 168) შეადგინა.