აშშ-სა და ირანს შორის მოლაპარაკებები გრძელდება, - ინფორმაციას CNN-ი დიპლომატიურ წყაროზე დაყრდნობით ავრცელებს.
დიპლომატიური წყაროს ცნობით, გასული ღამის განმავლობაში აშშ-ისა და ირანის მიერ დარტყმების გაცვლის მიუხედავად, ომის დასრულების მიზნით მოლაპარაკებები გრძელდება.
ასევე, CNN-ის ინფორმაციით, კატარის დელეგაციამ თეირანი დღეს დილით დატოვა.
წყაროს თქმით, კატარის დელეგაციასა და ირანის წარმომადგენლებს შორის მოლაპარაკებები აშშ-სთან კოორდინაციით მიმდინარეობდა.
ცნობისთვის, ღამით აშშ-მა ირანის წინააღმდეგ დარტყმების ახალი ტალღა განახორციელა. აშშ-ის დარტყმების საპასუხოდ ირანმა ქუვეითში, ბაჰრეინსა და იორდანიაში ამერიკულ სამხედრო ბაზებზე თავდასხმა განახორციელა, ხოლო ირანის ისლამური რევოლუციის გუშაგთა კორპუსმა განაცხადა, რომ ჰორმუზის სრუტე ყველა გემისთვის ჩაიკეტა.