„ნაციონალური მოძრაობა“ პარტიის შიდა განახლებებისთვის ემზადება და უახლოეს პერიოდში ახალი სახეების წარდგენას გეგმავს. პარტიაში აცხადებენ, რომ მოსალოდნელ ყრილობაზე ცნობილი გახდება, თუ ვინ შეუერთდება მათ პოლიტიკურ გუნდს.
თემა აქტუალური მას შემდეგ გახდა, რაც მიხეილ სააკაშვილმა სოციალურ ქსელში ნანუკა ჟორჟოლიანის შესაძლო გაწევრიანებაზე ისაუბრა და აღნიშნა, რომ ეს პოლიტიკურ სივრცეში გარკვეულ სიახლეებს შექმნიდა. პარტიაში ამ ეტაპზე დამატებით დეტალებს არაკონკრეტებენ, თუმცა აცხადებენ, რომ საზოგადოება გადაწყვეტილებების შესახებ მალე შეიტყობს.
მმართველ გუნდში ამ საკითხს სკეპტიკურად უყურებენ. „ქართულ ოცნებაში“ მიაჩნიათ, რომ ნანუკა ჟორჟოლიანის პარტიაში შესაძლო მისვლა სიახლედ ვერ ჩაითვლება, რადგან, მათი შეფასებით, ის წლების განმავლობაში „ნაციონალური მოძრაობის“ მხარდამჭერ პოზიციებთან ასოცირდებოდა.