ისრაელი და „ჰეზბოლა“ ცეცხლის შეწყვეტაზე შეთანხმდნენ.
Reuters-ის ინფორმაციით, შეთანხმების მიღწევაში ამერიკელი და კატარელი შუამავლები მონაწილეობდნენ, პროცესში კი ირანიც იყო ჩართული. ამერიკელი მაღალჩინოსნის ცნობით, მხარეებმა დღის განმავლობაში მომხდარი სამხედრო მოქმედებების შემდეგ ცეცხლის შეწყვეტის რეჟიმზე შეთანხმებას მიაღწიეს.
მისივე ინფორმაციით, შეთანხმების ამოქმედების შემდეგ ისრაელი და „ჰეზბოლა“ საომარი მოქმედებების შეწყვეტის რეჟიმში გადავიდნენ. ცეცხლის შეწყვეტა რეგიონში დაძაბულობის შემცირებისკენ გადადგმულ მნიშვნელოვან ნაბიჯად განიხილება, თუმცა შეთანხმების მდგრადობა და მისი შესრულების ხარისხი უახლოეს პერიოდში გახდება ნათელი.