ევროკავშირმა სომხეთს 34 მილიონი ევრო გამოუყო, რათა რუსეთის სავაჭრო შეზღუდვების გავლენა ქვეყნის კერძო სექტორზე შეამსუბუქოს.
ევროკავშირის განცხადებით, გადაწყვეტილება პრეზიდენტ ურსულა ფონ დერ ლაიენსა და პრემიერ-მინისტრ ნიკოლ ფაშინიანს შორის გამართული სატელეფონო საუბრის შემდეგ მოკლე დროში განხორციელდა. ბრიუსელი აღნიშნავს, რომ ამ ნაბიჯით სომხეთის მხარდაჭერის შესახებ აღებულ ვალდებულებებს ასრულებს.
უკვე ცნობილია, რომ ევროკომისარი გაფართოების საკითხებში, მარტა კოსი, 5 ივლისს სომხეთს ეწვევა. ვიზიტის ფარგლებში განიხილება როგორც ფინანსური დახმარების პაკეტის განხორციელება, ისე ევროკავშირ-სომხეთის თანამშრომლობის შემდგომი გაღრმავების პერსპექტივები.