დააკავეს ორგანიზებული ჯგუფის წევრები, რომლებიც სააფთიაქო ნარკომანიას ხელს უწყობდნენ. როგორც ფინანსთა სამინისტროს საგამოძიებო სამსახურში გამართულ ბრიფინგზე განაცხადეს, საქმე ეხება სქემას, რომლის მიხედვითაც, იურიდული პირები, მათ შორის ყოფილი თანამდებობის პირები და იმპორტიორი კომპანიების ხელმძღვანელები ორგანიზებას უწევდნენ ფსიქოტროპული მედიკამენტებით ვაჭრობას. ვაჭრობით მიღებულმა შემოსავალმა 50 მილიონ ლარზე მეტი შეადგინა.