შინაგან საქმეთა მინისტრი სულხან თამაზაშვილი მცხეთა-მთიანეთის რეგიონში სამინისტროს სხვადასხვა სტრუქტურულ დანაყოფს ეწვია და ხელმძღვანელ პირებს შეხვდა.
ვიზიტის ფარგლებში მინისტრმა საგანგებო სიტუაციების მართვის სამსახურის, საპატრულო პოლიციისა და დაცვის პოლიციის დეპარტამენტების წარმომადგენლებთან სამუშაო შეხვედრები გამართა. შინაგან საქმეთა მინისტრის მოადგილე შალვა თადუმაძესთან ერთად მან საექსპერტო-კრიმინალისტიკური და დროებითი მოთავსების უზრუნველყოფის დეპარტამენტებიც მოინახულა. ხელმძღვანელებმა მინისტრს რეგიონში არსებული ვითარებისა და მიმდინარე საქმიანობის შესახებ ინფორმაცია მიაწოდეს. შეხვედრის დასრულების შემდეგ სულხან თამაზაშვილმა თანამშრომლებს გაწეული სამსახურისთვის მადლობა გადაუხადა და მათ საქმიანობას მნიშვნელობა გაუსვა.