უკრაინისა და საფრანგეთის პრეზიდენტებმა, ვოლოდიმირ ზელენსკიმ და ემანუელ მაკრონმა ერთობლივი განცხადება გაავრცელეს, რომლის მიხედვითაც უკრაინა დაგეგმილი 100-დან პირველ 16 Rafale ავიაგამანადგურებელს შეუკვეთავს. განცხადებაში, ასევე აღნიშნულია, რომ პირველი ოთხი Rafale თვითმფრინავი უკრაინის შეიარაღებულ ძალებს გადაეცემა უკრაინელი პილოტებისა და ტექნიკური პერსონალის მომზადების დასრულების შემდეგ, რომელიც საფრანგეთში უკვე 2026 წელს შეიძლება დაიწყოს. საფრანგეთი ასევე უკრაინაში 2026 წლის ბოლომდე AASM ავიაბომბებისა და SCALP რაკეტების ლიცენზირებულ წარმოებას დაუშვებს.