პოლიციის ყოფილი მაღალჩინოსანი, იოსებ სიგუა ყოფილი მეუღლის, სოფიო სიგუა-შატბერავას ბრალდებებს უარყოფს და მათ აბსურდს უწოდებს. მისივე განცხადებით, მიმდინარე სასამართლო პროცესზე დამატებითი კომენტარის გაკეთებას ამ ეტაპზე არ აპირებს. ამის საპასუხოდ, სოფიო სიგუა-შატბერავა აცხადებს, რომ სასამართლოში იოსებ სიგუამ კიდევ ორი მოწმე წარადგინა, რომელთა ჩვენებებს სარწმუნოდ არ მიიჩნევს. მისივე თქმით, საუბარია პოლიციის მაღალჩინოსნებზე - გიორგი რუხაძესა და გიორგი გიორგაძეზე. შატბერავა ამტკიცებს, რომ გიორგი გიორგაძეს ოჯახში მომხდარი ძალადობის ფაქტები არ უნახავს და კითხვის ნიშნებს მისი ჩვენების საფუძვლიანობის მიმართ აჩენს. სამართლებრივი დავა გრძელდება. შატბერავა ყოფილ მეუღლეს ძალადობაში ადანაშაულებს და აღნიშნავს, რომ მას შემაკავებელი ორდერი აქვს გამოწერილი, რის გამოც იარაღის ტარების უფლებაც შეეზღუდა.