თელავში, აგარანის მამულში მომხდარი ინციდენტის საქმეზე დაკავებული გიორგი ჭიღლაძის მიმართ პროკურატურა აღკვეთის ღონისძიების სახით 5 000-ლარიანი გირაოს გამოყენებას, პატიმრობის უზრუნველყოფით, მოითხოვს. უწყების ინფორმაციით, ბრალდებულს ბრალი სისხლის სამართლის კოდექსის 120-ე მუხლის პირველი ნაწილით წარედგინება. აღკვეთის ღონისძიების საკითხზე თელავის რაიონულმა სასამართლომ, სავარაუდოდ, ხვალ უნდა იმსჯელოს. საქმე აგარანის მამულში გამართულ ქორწილში მომხდარ ინციდენტს უკავშირდება, რომლის გამოძიებაც ჯანმრთელობის განზრახ მსუბუქი დაზიანების მუხლით მიმდინარეობს.