უკრაინა რუსეთის სიღრმეში სამხედრო და ენერგეტიკულ ობიექტებზე შეტევებს აგრძელებს. ბოლო 24 საათში უკრაინულმა ძალებმა ასობით დრონით მოსკოვისა და რუსეთის ცენტრალური რეგიონების მიმართულებით ერთ-ერთი ყველაზე მასშტაბური იერიში მიიტანეს. ვოლოდიმირ ზელენსკის განცხადებით, ოპერაციების მიზანი რუსეთის სამხედრო ლოგისტიკის, ნავთობის ინფრასტრუქტურისა და მომარაგების ქსელის დასუსტებაა. რუსეთის თავდაცვის სამინისტრო აცხადებს, რომ უპილოტო აპარატების დიდი ნაწილი ჩამოაგდეს, თუმცა რამდენიმე რეგიონში ინფრასტრუქტურა დაზიანდა და ხანძრები გაჩნდა. პარალელურად, რუსეთმა კიევსა და სხვა უკრაინულ ქალაქებზე სარაკეტო და დრონებით შეტევები განაახლა.