პოლიტიკური პარტია „ჯერ საქართველო“ ხელისუფლებასა და ოპოზიციას შორის მოლაპარაკებების დაწყების ინიციატივით გამოდის. პარტიის დამფუძნებელი, ვიქტორ ყიფიანი მიიჩნევს, რომ პოლიტიკური კრიზისის დაძლევა საარჩევნო წესებზე შეთანხმებით უნდა დაიწყოს, რათა მომავალი არჩევნები თავისუფალ, სამართლიან და კონკურენტულ გარემოში ჩატარდეს. ინიციატივას ოპოზიციის ნაწილი სკეპტიკურად აფასებს. მათი პოზიციით, ხელისუფლებასთან დიალოგი მხოლოდ თანასწორ პირობებში იქნება შედეგიანი.