უკრაინა რუსეთის სამხედრო და ენერგეტიკულ ინფრასტრუქტურაზე შორი მოქმედების ოპერაციებს აგრძელებს. ბოლო დღეებში დრონებით დარტყმების სამიზნე კრასნოდარის მხარე, მოსკოვის რეგიონი და რუსეთის სამხედრო ლოგისტიკის ობიექტები გახდა. უკრაინის გენშტაბის განცხადებით, მთავარი მიზანი რუსეთის საწვავის მომარაგების, სამხედრო ტრანსპორტისა და საბრძოლო მარაგების ჯაჭვის შეფერხებაა. საპასუხოდ, რუსეთმა უკრაინის ქალაქებსა და სამხედრო-სამრეწველო ობიექტებზე რაკეტებითა და უპილოტო აპარატებით იერიშები მიიტანა. პრეზიდენტი ვოლოდიმირ ზელენსკი აცხადებს, რომ უკრაინა ზეწოლას გააძლიერებს, რადგან, მისი განმარტებით, რუსეთმა მზარდი ზეწოლა და უფრო მკაცრი სანქციები უნდა იგრძნოს. ამავდროულად, რუსეთი განაგრძობს საპასუხო დარტყმებს უკრაინის დასახლებულ პუნქტებზე. რუსულმა ძალებმა კიევს ბალისტიკური რაკეტებით შეუტიეს, რის შედეგადაც 18-სართულიანი საცხოვრებელი კორპუსი დაზიანდა. უფრო ვრცლად ფრონტის ხაზზე მიმდინარე სამხედრო მოქმედებებისა და მსოფლიო ლიდერების შეფასებების შესახებ ლაკო ვარშანიძე ისაუბრებს.