ევროკავშირმა ყულევის ნავთობგადამმუშავებელი ქარხანა რუსეთის წინააღმდეგ სანქციების 21-ე პაკეტში შეიყვანა, თუმცა სანქციების ამოქმედება ექვსი თვით გადადო, თუ არსებული პრაქტიკა არ შეიცვლება. ოპოზიცია ამტკიცებს, რომ ქარხანა რუსული ნავთობით ვაჭრობს და ეს საქართველოს საერთაშორისო რეპუტაციას სერიოზულ ზიანს აყენებს. ხელისუფლების ოპონენტები შესაძლო კორუფციულ გარიგებებსა და რუს მაღალჩინოსნებთან კავშირებზეც საუბრობენ. საგარეო საქმეთა სამინისტრო გადაწყვეტილების გამო მწუხარებას გამოხატავს და აცხადებს, რომ ამ საკითხზე ევროკავშირთან თანამშრომლობა გამჭვირვალობისა და ღიაობის პრინციპებით მიმდინარეობს.