ვლადიმერ პუტინსა და ილჰამ ალიევს შორის სატელეფონო საუბარი შედგა, - ინფორმაციას რუსული მედია კრემლის პრესსამსახურზე დაყრდნობით ავრცელებს.
კრემლის ცნობით, რუსეთისა და აზერბაიჯანის პრეზიდენტებმა, ვლადიმერ პუტინმა და ილჰამ ალიევმა სატელეფონო საუბრისას ორმხრივი და საერთაშორისო მნიშვნელობის საკითხები განიხილეს.
„ლიდერებმა ხაზი გაუსვეს რუსეთ-აზერბაიჯანის ურთიერთობების კონსტრუქციულ ხასიათს, ასევე, მთავრობებსა და შესაბამის უწყებებს შორის დიალოგის გააქტიურებას“, - ნათქვამია კრემლის განცხადებაში.
ასევე, კრემლის ინფორმაციით, პუტინმა და ალიევმა რუსეთსა და აზერბაიჯანს შორის ორმხრივად სასარგებლო თანამშრომლობის გაფართოების მიმართ მზადყოფნა დაადასტურეს.