უკვე რამდენიმე კვირაა, რაც საფრანგეთი და ესპანეთი მასშტაბურ ტყის ხანძრებს ებრძვიან - ევაკუირებულთა რაოდენობამ 360 ათასს გადააჭარბა. განსაკუთრებით მძიმე მდგომარეობაა საფრანგეთის ქალაქ ბორდოსა და ესპანეთის დედაქალაქ მადრიდის შემოგარენში. შექმნილი ვითარების გამო საფრანგეთის პრეზიდენტი ემანუელ მაკრონი ბორდოში სახანძრო-სამაშველო სამსახურის ცენტრს ეწვია. მისივე განცხადებით, ქვეყანა უპრეცედენტო ხანძრების წინაშე დგას. მაკრონმა მადლობა იმ სახელმწიფოებსაც გადაუხადა, რომლებიც სტიქიის სალიკვიდაციო სამუშაოებში საფრანგეთს დახმარებას უწევენ.