ირანმა და პაკისტანმა ირანთან აშშ-ისა და ისრაელის ომის დასრულების საკითხზე მიმდინარე მოლაპარაკებებში მნიშვნელოვანი პროგრესი მიაღწიეს. მხარეებმა კონფლიქტის დეესკალაციასა და ჰორმუზის სრუტეში უსაფრთხო ნაოსნობის უზრუნველყოფაზე იმსჯელეს. ამავდროულად, თეირანსა და ვაშინგტონს შორის ეკონომიკური დაპირისპირება მწვავდება. აშშ-მა ირანის წინააღმდეგ ახალი სანქციები დააწესა, რომლებიც ათეულობით პირს, კომპანიასა და გემს შეეხო.
ვაშინგტონი ირანის სავაჭრო პარტნიორებსაც აფრთხილებს, რომ თეირანთან თანამშრომლობამ შესაძლოა დოლარზე დაფუძნებულ ფინანსურ სისტემასთან წვდომის დაკარგვის რისკი შექმნას.
ირანი საპასუხო ნაბიჯებისთვის ემზადება. ქვეყნის ეკონომიკის მინისტრის განცხადებით, თეირანი სანქციების წინააღმდეგ ხანგრძლივ გეგმაზე მუშაობს და აშშ-ის ზეწოლას არ დაემორჩილება.