ირაკლი კობახიძე აშშ-ის ელჩის მოვალეობის შემსრულებელს, ემი დიაზს შეხვდა. მთავრობის ადმინისტრაციის ცნობით, გაცნობითი ხასიათის შეხვედრაზე საქართველოსა და შეერთებულ შტატებს შორის ურთიერთობები განიხილეს.
პრემიერმა კიდევ ერთხელ დაადასტურა ხელისუფლების მზადყოფნა, აშშ-სთან სტრატეგიული პარტნიორობის აღდგენაზე იმუშაოს. მისი შეფასებით, თანამშრომლობა ორივე ქვეყნის ეროვნულ ინტერესებზე დაფუძნებულ კონკრეტულ გზამკვლევს უნდა დაეყრდნოს.
ოპოზიცია საქართველოსა და აშშ-ის ურთიერთობებში არსებულ ვითარებას კრიტიკულად აფასებს. მათივე განცხადებით, „ქართული ოცნების“ ხელისუფლების პირობებში ვაშინგტონთან ურთიერთობების სრულფასოვანი აღდგენა ფაქტობრივად შეუძლებელი იქნება.