რუსეთის საგარეო საქმეთა მინისტრი აცხადებს, რომ ნატოს წევრი ქვეყნები არქტიკაში სამხედრო დაპირისპირების ახალი მიმართულების შექმნას ცდილობენ. მისი შეფასებით, ალიანსის მოქმედებები რუსეთისა და მისი მოკავშირეების განვითარებას აფერხებს და მოსკოვისთვის პირდაპირ საფრთხეს წარმოადგენს.რუსეთის საგარეო უწყების ხელმძღვანელის განცხადებით, ქვეყანა ოპონენტების ნებისმიერი მტრული ქმედებისთვის შესაბამისი პასუხის გასაცემად მზად არის.მან ასევე გაიხსენა ნატოს მიერ თებერვალში დაწყებული ოპერაცია „არკტიკის მცველი“. მისი თქმით, ოპერაციის მიზანი მაღალ განედებში ალიანსის სამხედრო ყოფნის გაძლიერება და გაფართოებაა. რუსეთი არქტიკაში ნატოს აქტიურობას საკუთარ უსაფრთხოებაზე მზარდ საფრთხედ აფასებს.