უკრაინაში ომი კვლავ ინტენსიური სამხედრო მოქმედებების ფონზე გრძელდება. რუსეთი უკრაინის ქალაქებსა და ინფრასტრუქტურაზე სარაკეტო და დრონებით იერიშებს აძლიერებს, პარალელურად კი უკრაინა რუსეთის ტერიტორიაზე სამხედრო და ენერგეტიკულ ობიექტებზე დარტყმებს ახორციელებს. ვლადიმირ პუტინი აცხადებს, რომ რუსეთის არმია ფრონტზე წინ მიიწევს და მოსკოვი ომის გაგრძელებისთვის მზად არის, თუმცა მოლაპარაკებების შესაძლებლობასაც არ გამორიცხავს. ვოლოდიმირ ზელენსკი კი ამბობს, რომ პუტინს ომის დასრულება არ სურს და უკრაინა პარტნიორებთან ერთად მშვიდობის მიღწევისთვის მუშაობას გააგრძელებს.