ბიზნესმენ თამაზ ელიზბარაშვილის ადვოკატის, ლექსო სვიმონიშვილის განცხადებით, ელიზბარაშვილის სახლისა და პირადი ჩხრეკის შედეგად, სამართალდამცავებს კანონსაწინააღმდეგო არაფერი ამოუღიათ. ელიზბარაშვილი დიღმის დროებითი მოთავსების იზოლატორშია გადაყვანილი. სასამართლომ მისთვის ადმინისტრაციული სახდელის დაკისრებაზე 48 საათის განმავლობაში უნდა იმსჯელოს. ელიზბარაშვილს პოლიციელის კანონიერი მოთხოვნისადმი დაუმორჩილებლობას ედავებიან.