რუსეთის ქალაქ ნოვოროსიისკში საპორტო ინფრასტრუქტურაზე დრონებით თავდასხმის შედეგად ხანძარი გაჩნდა. ამის შესახებ უკრაინული მედია იუწყება.
გავრცელებული ინფორმაციით, ხანძარი „ნოვოროსიისკის მაზუთის ტერმინალის“ ტერიტორიაზე გაჩნდა. ტერმინალი ნოვოროსიისკის საზღვაო-სავაჭრო პორტის ნაწილია და მისი წლიური გამტარუნარიანობა დაახლოებით 4 მილიონ ტონას შეადგენს.
ადგილობრივი მოსახლეობის ინფორმაციით, გასული ღამის განმავლობაში ქალაქში აფეთქებების ხმა ისმოდა.