სამოქალაქო აქტივისტი თორნიკე რაზმაძე აცხადებს, რომ სოციალურ ქსელში გამოქვეყნებულ პოსტში შეურაცხყოფას რუს პროპაგანდისტს მარგარიტა სიმონიანს აყენებს, თუმცა სიძულვილის ენის წინააღმდეგ ბრძოლის სამმართველო და "ქართული ოცნება" ირწმუნება, რომ შეურაცხყოფის ობიექტი არა სიმონიანი არამედ ირაკლი კობახიძეა, ამიტომ თორნიკე რაზმაძემ მართლმსაჯულების წინაშე პასუხი უნდა აგოს. რაზმაძის უფლებამდაცველი ამბობს, რომ საქმე შეკერილია და ხელისუფლება ცდილობს რუსულ მხარეს დაანახოს როგორ სჯიან საქართველოს მოქალაქეებს მათ საამებლად. თუმცა მას შემდეგ რაც საზოგადოების რეაგირება დაინახეს, პოზიცია მყისიერად შეცვალეს თითქოს რაზმაძეს პრემიერის შეურაცყოფას ედავებიან.