ევროკავშირი გაფართოების პროცესში ყველაზე პროგრესული კანდიდატი ქვეყნებისთვის კონკრეტული სამოქმედო გზამკვლევების მომზადებას გეგმავს. ბრიუსელი ამ ეტაპზე გზამკვლევებს ოთხი ქვეყნისთვის:უკრაინის, მოლდოვის, ალბანეთისა და მონტენეგროსთვის ამზადებს. სიაში საქართველო ვერ მოხვდა. ევროკომისიის ოფიციალურ პოზიციაში წერია, რომ გაფართოება კვლავ დამსახურებაზე დაფუძნებული პროცესია და კანდიდატი ქვეყნების წინსვლა რეკომენდაციების შესრულებაზეა დამოკიდებული. კომისიის ბოლო შეფასებით, საქართველოსთან მიმართებით ევროკავშირი დემოკრატიისა და ფუნდამენტური უფლებების მუდმივი დარღვევების გამო შეშფოთებას გამოთქვამს. საკითხი პოლიტიკური შეფასებების თემაა თბილისში.