თბილისის მეტროპოლიტენი 111 ახალი ვაგონით განახლდება, რასაც კახა კალაძე ქალაქისთვის მნიშვნელოვან მოვლენად აფასებს. თბილისის მერმა ამის შესახებ ჩინეთში, მეტროს ვაგონების მწარმოებელ კომპანიაში ვიზიტისას განაცხადა. იქ თბილისის მეტროპოლიტენისთვის შექმნილი ახალი მატარებლის წარდგენის ცერემონია გაიმართა. ღონისძიებაზე აღინიშნა, რომ ახალი ვაგონები სპეციალურად საქართველოს დედაქალაქისთვის შეიქმნა და თბილისის მეტროს ნაწილი გახდება. მათ საქართველო-ჩინეთის მეგობრობის სიმბოლოდაც მოიაზრებენ.