თურქეთი და გაერო რუსეთსა და უკრაინას შორის შავ ზღვაში ცეცხლის შეწყვეტის თაობაზე მოლაპარაკებებს უწევენ ორგანიზებას.
ამის შესახებ ინფორმაციას გამოცემა Bloomberg -ი ინფორმირებულ წყაროზე დაყრდნობით ავრცელებს.
გამოცემის წყაროს ცნობით, მოლაპარაკებების დროს მთავარი ხაზი იქნება იმ ქვეყნების პრობლემები, რომლებიც სურსათზე ფასების ზრდის გამო დაზარალდნენ. აღნიშნული ინიციატივის მიზანია გაიმეოროს 2022 წარმატებული კამპანია შავ ზღვაში მარცვლეულის გადაზიდვის უზრუნველსაყოფად.
წყაროს ცნობით, შეხვედრების ოქტომბრის დასაწყისში გაიმართება. შვეიცარიული არასამთავრობო ორგანიზაციის - “ჰუმანიტარული დიალოგის ცენტრი” - წარმომადგენლები კი შუამავლების როლში იქნებიან.
აღინიშნება, რომ სექტემბრის ბოლოს, გაროს გენერალური ასამბლეის დროს, დახურული შეხვედრა გაიმართა, რომელსაც ამ დიპლომატიური ინიციატივისთვის სტარტი უნდა მიეცა. მას შეუერთდნენ თურქი მაღალჩინოსნები, ასევე აშშ-ის, ევროპის და ინდოეთის წარმომადგენლები.