კიდევ ერთი საინტერესო შესაძლებლობა სოციალური ბარათის მფლობელებისთვის. ახალი პროექტი, რომელიც ლიბერთის სოციალური ბარათის მომხმარებლებს, ქირურგიის ეროვნული ცენტრის კლინიკებში, სამედიცინო მომსახურებაზე, სპეციალურ პირობებს სთავაზობს. ლიბერთი, ბაზისბანკ ჯგუფის წევრი, ქირურგიის ეროვნულ ცენტრთან თანამშრომლობას იწყებს. ერთობლივი მემორანდუმის ფარგლებში, ლიბერთის სოციალური ბარათის მომხმარებლებს, ქირურგიის ეროვნული ცენტრის კლინიკებში, შესაძლებლობა ექნებათ უფასო სამედიცინო კონსულტაცია და სამედიცინო მომსახურებებზე 50%-მდე ფასდაკლება მიიღონ. მასშტაბური პროექტის მიზანია, ხარისხიან სამედიცინო მომსახურებაზე ხელმისაწვდომობის გაზრდა და მომხმარებლებისთვის, დამატებითი ფინანსური შეღავათების შეთავაზება.