ფრანკფურტის საერთაშორისო წიგნის ბაზრობა 7 ოქტომბერს გაიხსნა, რომელიც 4 დღის განმავლობაში - 11 ოქტომბრამდე მიმდინარეობდა. წელს მასში საქართველოდან 10 გამომცემლობა მონაწილეობდა.
აღსანიშნავია, რომ ფრანკფურტის წიგნის ბაზრობაზე ქართველი გამომცემლები 1990-იანი წლებიდან ყოველწლიურად მონაწილეობენ, რაც გულისხმობს უცხოელ გამომცემლებთან კავშირების გაღრმავებას, საავტორო უფლებების ყიდვას და გაყიდვას, ქართული ლიტერატურის პოპულარიზაციას.