რუსეთ-უკრაინის ფრონტზე საბრძოლო მოქმედებები გრძელდება, პარალელურად კი დიპლომატიური მოლაპარაკებები აქტიურდება. დონალდ ტრამპი მოსკოვთან ენერგეტიკულ შეთანხმებასა და ცეცხლის შეწყვეტაზე საუბრობს, თუმცა მისი პოზიციები კიევისა და ევროპელი პარტნიორების უკმაყოფილებას იწვევს. აშშ-ის პრეზიდენტმა ვოლოდიმირ ზელენსკის თანამდებობიდან წასვლის საკითხიც წამოჭრა. უკრაინა არჩევნებისა და ენერგეტიკული ზავის განხილვისთვის მზადყოფნას გამოთქვამს, თუ რუსეთი შესაბამის პირობებს დათანხმდება. ამ ფონზე უკრაინული დარტყმები რუსეთის ტექნოლოგიურ ინფრასტრუქტურასაც აღწევს.