ჟენევის მოლაპარაკებების 69-ე რაუნდამდე ერთი თვით ადრე, ოკუპირებული აფხაზეთისა და ცხინვალის რეგიონების დე-ფაქტო ხელისუფლებები თბილისთან თავდაუსხმელობის შეთანხმებასა და ე.წ. საზღვრების დემარკაციას ითხოვენ. საქართველოს ხელისუფლება ამ ინიციატივას მიუღებლად მიიჩნევს და აცხადებს, რომ ასეთ დოკუმენტზე ხელმოწერა ოკუპირებული ტერიტორიების დამოუკიდებლობის აღიარების ტოლფასი იქნება. ამავდროულად, ოპოზიცია „ქართული ოცნების“ მიერ რუსეთთან წარმოებული ურთიერთობის პოლიტიკას აკრიტიკებს. ოპონენტების შეფასებით, ქართული კომპანიების პროდუქციაზე დაწესებული ემბარგო კიდევ ერთხელ აჩვენებს მოსკოვის პოლიტიკის შედეგებს.