საპროტესტო გამოსვლები მეორე დღე გრძელდება მილანშიც. ცხოვრების გაძვირებისა და საჯარო სერვისების ხარისხის გაუარესების წინააღმდეგ გამართული დემონსტრაციები ძალადობრივ დაპირისპირებაში გადაიზარდა. ქალაქის ცენტრში, დუომოს მოედნის მიმდებარედ, ნიღბიანმა დემონსტრანტებმა მაღაზიების ვიტრინები ჩაამსხვრიეს, ნაგვის ურნებს ცეცხლი წაუკიდეს და პოლიციას ქვები და სხვა საგნები ესროლეს. სამართალდამცველებმა ცრემლსადენი გაზი და წყლის ჭავლი გამოიყენეს. პოლიციის ინფორმაციით, კვირას 60-ზე მეტი დემონსტრანტი დამატებითი შემოწმებისთვის განყოფილებაში გადაიყვანეს, ხოლო შაბათს მომხდარი შეტაკებების შემდეგ 28 ადამიანი დააკავეს. იტალიის პრემიერ-მინისტრმა ჯორჯა მელონიმ ძალადობა დაგმო და მთავრობის შეხვედრა დააანონსა, რომელზეც შექმნილ ვითარებას განიხილავენ.