საქართველოში ეკონომიკის განვითარების კორპორაცია შეიქმნა, რომელსაც ირაკლი გაბრიაძე უხელმძღვანელებს. მთავრობის განცხადებით, ახალი ინსტიტუტი სახელმწიფოსა და კერძო ბიზნესის თანამშრომლობას გააძლიერებს და მცირე, საშუალო თუ მსხვილ საწარმოებს დაეხმარება. პრემიერ-მინისტრის, ირაკლი კობახიძის, ინფორმაციით, კორპორაცია მომდევნო ათწლეულში 40 მილიარდ ლარამდე ახალი ინვესტიციის განხორციელებას შეუწყობს ხელს. უწყება დაფინანსების ალტერნატიული წყაროების განვითარებასა და სტრატეგიული პროექტების მხარდაჭერაზეც იმუშავებს.