საქართველოს საკონსტიტუციო სასამართლოში ხუთი ოპოზიციური პარტიის აკრძალვის შესახებ სარჩელის არსებითი განხილვა 26 ოქტომბერს განახლდება. ოპოზიციის შეფასებით, მმართველი გუნდი პოლიტიკური კონკურენციის გაქრობასა და ქვეყნის ევროპასთან დაშორებას ცდილობს. მათი თქმით, პროცესმა შესაძლოა საქართველოს საერთაშორისო იმიჯი დააზიანოს და დასავლელ პარტნიორებთან ურთიერთობები გაართულოს. საერთაშორისო ორგანიზაციებისა და ევროკავშირის წევრი ქვეყნების წარმომადგენლები ოპოზიციის აკრძალვის შემთხვევაში ვითარების ესკალაციის საფრთხეზე მიუთითებენ. მმართველ გუნდში კი კრიტიკას შიდა პოლიტიკურ პროცესებში ჩარევად აფასებენ.