ირაკლი კობახიძე ევროკავშირის გაფართოების ანგარიშში მნიშვნელოვან ცვლილებებს არ ელის - პრემიერი რეკომენდაციების გათვალისწინებას ეროვნული ინტერესებით განსაზღვრავს. ირაკლი კობახიძე ევროკავშირის გაფართოების ანგარიშში, შარშანდელ დოკუმენტთან შედარებით, მნიშვნელოვან ცვლილებებს არ ელოდება. ამის შესახებ პრემიერმა ბრიუსელში ისაუბრა. მისივე განცხადებით, ხელისუფლება თითოეულ რეკომენდაციას გაეცნობა, თუმცა მათ გათვალისწინებას მათი შინაარსისა და საქართველოს ეროვნული ინტერესების შესაბამისად გადაწყვეტს. კობახიძის განმარტებით, რეკომენდაცია დირექტივა არ არის და მის შესრულებას წინასწარი შეფასება სჭირდება.