აშშ-ში შუალედური არჩევნების წინასწარი შედეგები პოლიტიკურ სურათს ცვლის. დემოკრატებმა სენატში რამდენიმე მნიშვნელოვანი გამარჯვება მოიპოვეს, თუმცა კონგრესის ორივე პალატაში საბოლოო ძალთა ბალანსი ჯერ უცნობია. არჩევნების შედეგები განსაზღვრავს, რამდენად შეძლებს დონალდ ტრამპის ადმინისტრაცია საკუთარი პოლიტიკური დღის წესრიგის გატარებას და რა ბერკეტები ექნებათ დემოკრატებს პრეზიდენტის გადაწყვეტილებებზე გავლენისთვის.