ევროკომისიის კრიტიკულ ანგარიშს მმართველი გუნდი და ოპოზიცია ურთიერთგამომრიცხავი შეფასებებით ეხმაურებიან. ოპოზიციაში აცხადებენ, რომ დოკუმენტში ასახული მძიმე შეფასებები „ქართული ოცნების“ პოლიტიკის შედეგია და ხელისუფლებამ ქვეყანა ევროპულ ინტეგრაციას დააშორა. მმართველ გუნდში კი ამავე ანგარიშს შემაშფოთებელს უწოდებენ და ამბობენ, რომ ის სიცრუესა და უსაფუძვლო ბრალდებებს ეფუძნება. ევროკომისიის შეფასებით, საქართველოს გაწევრიანების პროცესი დე-ფაქტო შეჩერებულია, ქვეყანა კი კანდიდატის სტატუსს მხოლოდ ფორმალურად ინარჩუნებს.