უკრაინის დელეგაცია რუსეთსა და აშშ-სთან მოლაპარაკებებისთვის აბუ-დაბიში გაემგზავრა , - ინფორმაციას უკრაინული მედია ქვეყნის საგარეო დაზვერვის სამსახურის ხელმძღვანელზე, რუსტემ უმეროვზე დაყრდნობით ავრცელებს.
რუსტემ უმეროვის განცხადებით, 10-11 ნოემბერს დაგეგმილ სამმხრივ მოლაპარაკებებში მონაწილეობას უკრაინის, რუსეთისა და აშშ-ის წარმომადგენლები მიიღებენ.
ამასთან, უმეროვის თქმით, აბუ-დაბიში დიდი ბრიტანეთის, საფრანგეთის, გერმანიისა და იტალიის, ასევე ნატო-სა და ევროკომისიის წარმომადგენლებიც იქნებიან.
„ევროპელ პარტნიორებთან ცალკე საკოორდინაციო შეხვედრები გვექნება. ჩვენთვის მნიშვნელოვანია ყველა ძირითად პარტნიორთან მჭიდრო კოორდინაციის შენარჩუნება, პოზიციების შეჯერება და მოლაპარაკებების პროცესში შემდგომი ნაბიჯების შესახებ საერთო გაგების ჩამოყალიბება“, - აცხადებს უმეროვი.
უკრაინული მედიის ინფორმაციით, დიდი ბრიტანეთი, საფრანგეთი და გერმანია აბუ-დაბიში უსაფრთხოების მრჩევლების დონეზე იქნება წარმოდგენილი. ასევე, აბუ-დაბიში იქნებიან ნატო-ს გენერალური მდივნის აპარატის ხელმძღვანელი, ჯეფრი ვან ლიუვენი და ევროკომისიის პრეზიდენტის კაბინეტის უფროსი, ბიორნ ზაიბერტი.