საქართველოს განათლების მინისტრმა ჩინეთში ვიზიტისას ლანჭოუს უნივერსიტეტში საჯარო ლექცია წაიკითხა და ქართველ სტუდენტებს შეხვდა. გივი მიქანაძემ ყურადღება საქართველოსა და ჩინეთს შორის არსებულ მრავალწლიან თანამშრომლობაზე გაამახვილა. შეხვედრაზე ასევე განიხილეს ქართული განათლების სისტემის თავისებურებები და ის საგანმანათლებლო პროექტები, რომლებსაც საქართველო ჩინურ მხარესთან ერთად ახორციელებს.